Clarke: Latin (27)

Here are some more fables from Clarke's Fabulae Aesopi Selectae, or, Select Fables of Aesop, where you can find English translations of these fables. You can also click here for all the Clarke fables at this blog.

131. De Avibus Volentibus Eligere Plures Reges

Aves consultabant 

de eligendis pluribus regibus, 

cum 

aquila sola 

non posset regere 

tantos greges volucrum, 

et fecissent satis voto, 

nisi destitissent a consilio 

monitu cornicis

quae, 

cum causa interrogabatur

cur non duceret 

plures reges eligendos, 

inquit, 

"quia multi sacci 

implentur difficilius

quam unus."

Morale. 

Haec fabula docet 

esse longe melius

gubernari ab uno

quam 

a multis principibus.

132. De Muliere, quae Dicebat, Se Velle Mori pro suo Viro

Quaedam matrona,
admodum pudica
et amantissima viri,
ferebat aegre

maritum detineri 

adversa valetudine.

Lamentabatur, ingemiscebat, 

et, 

ut testaretur suum amorem 

in virum, 

rogabat mortem ut, 

si esset ereptura maritum sibi, 

potius vellet occidere se

quam illum. 

Inter haec verba, 

cernit mortem venientem 

horribili aspectu, 

timore cuius 

perterrita

et iam paenitens 

sui voti, 

inquit, 

"ego non sum

quem petis; 

iacet in lecto

quem 

venisti occisura."

Morale. 

Haec fabula indicat

neminem esse 

adeo amantem amici

qui 

non malit esse bene sibi

quam alteri.

from an illustrated edition of Desbillons

133. De Adolescente Canente in Funere Matris

Quidam vir
prosequebatur defunctam uxorem, 

quae efferebatur ad sepulchrum 

lacrimis et fletibus; 

vero 

eius filius 

canebat.

Qui, 

cum increparetur a patre

ut amens

qui cantaret in funere matris

cum deberet 

esse maestus, 

et flere una secum, 

inquit, 

"mi pater, 

si conduxisti sacerdotes 

ut canerent, 

cur irasceris mihi 

concinenti gratis?" 

Cui pater inquit, 

"tuum officium

et sacerdotum 

non est idem."

Morale. 

Haec fabula indicat 

omnia 

non esse decora 

omnibus.

134. De Zelotypo Viro, qui Dederat Uxorem Custodiendam

Zelotypus vir 

dederat uxorem, 

quam 

compererat vivere 

parum pudice, 

cuidam amico,

cui fideret plurimum, 

custodiendam, 

pollicitus ingentem pecuniam

si observaret eam 

ita diligenter

ut nullo modo 

violaret conjugalem copulam. 

At ille, 

ubi expertus esset 

hanc custodiam 

nimis difficilem 

aliquot dies

et comperisset 

suum ingenium vinci 

versutia mulieris, 

accedens ad maritum, 

dixit

se nolle gerere 

hanc tam duram provinciam 

amplius; 

quandoquidem 

ne Argus quidem, 

qui fuit totus oculatus, 

posset custodire 

impudicam mulierem: 

addidit praeterea, 

si sit necesse, 

se malle deferre 

saccum plenum pulicibus 

in pratum 

quotidie integro anno, 

et sacco soluto, 

pascere eos inter herbas,

et vespere 

reducere omnes domum

quam 

servare impudicam mulierem 

uno die.

Morale.
Haec fabula indicat
nullos custodes
esse ita diligentes 

qui 

valeant custodire 

impudicas mulieres.

135. De Viro Recusant Clysteres

Quidam vir,
Germanus natione,
admodum dives, 

aegrotabat,

ad curandum quem 

plures medici accesserunt 

(etenim 

muscae convolant 

catervatim 

ad mel) 

unus quorum 

dicebat inter cetera 

esse opus clysteribus

si vellet convalescere; 

quod 

cum vir audiret,

insuetus medicinae huiusmodi, 

percitus furore, 

iubet medicos 

eiici domo, 

dicens

eos esse insanos

qui, 

cum caput doleret, 

vellent mederi podicem.

Morale. 

Haec fabula indicat

omnia, 

quamvis salutaria, 

videri 

et aspera et obfutura 

insuetis et inexpertis.