Clarke: Latin (22)

Here are some more fables from Clarke's Fabulae Aesopi Selectae, or, Select Fables of Aesop, where you can find English translations of these fables. You can also click here for all the Clarke fables at this blog.

106. De Urbanis Canibus Insequentibus Villaticum

Complures urbani canes
insequebantur quendam villaticum 

praecipiti cursu,
quos
ille diu fugit,
nec ausus est repugnare,
at ubi, 

conversus ad eos insequentes, 

substitit, 

et ipse quoque 

coepit ostendere dentes, 

omnes pariter substiterunt, 

nec aliquis urbanorum 

audebat appropinquare illi. 

Tunc imperator exercitus, 

qui forte aderat ibi, 

conversus ad suos milites, 

inquit, 

"Commilitones, 

hoc spectaculum 

admonet nos 

ne fugiamus, 

cum videamus 

praesentiora pericula 

imminere nobis 

fugientibus, 

quam repugnantibus."

107. De Testudine et Ranis

Testudo,

conspicata ranas, 

quae pascebantur 

in eodem stagno, 

adeo leves agilesque, 

ut facile prosilirent quolibet

et saltarent longissime, 

accusabat Naturam

quod 

procreasset se 

tardum animal 

et impeditum maximo onere

ut 

neque posset 

movere se facile

et assidue premeretur 

magna mole. 

At, 

ubi vidit 

ranas fieri escam anguillarum

et obnoxias 

vel levissimo ictui, 

aliquantulum recreata, 

dicebat, 

"quanto est melius 

ferre onus, 

quo 

sum munita 

ad omnes ictus

quam subire 

tot discrimina mortis?"

Morale. 

Haec fabula indicat

ne feramus aegre 

dona Naturae, 

quae 

saepe sunt 

maiori commodo nobis, 

quam 

nos valeamus intelligere.

108. De Gliribus Volentibus Eruere Quercum

Glires destinaverant 

eruere quercum, 

glandiferam arborem, 

dentibus, 

quo 

haberent cibum paratiorem, 

ne cogerentur 

toties ascendere et descendere 

gratia victus. 

Sed quidam ex his, 

qui longe anteibat ceteros 

aetate

et experientia rerum, 

absterruit eos, dicens, 

"si nunc interficimus 

nostram nutricem, 

quis praebebit alimenta 

nobis 

ac nostris annis futuris?

Morale. 

Haec fabula monet

prudentem virum 

debere intueri 

non modo 

praesentia,

verum 

longe prospicere futura.

dormouse photo by Richard White at Flickr

109. De Cane et Hero

Quidam 

habens canem, 

quo 

diligeretur illo magis, 

semper pascebat eum 

suis manibus,

et solvebat ligatum, 

autem 

iubebat ligari et verberari 

a servo 

ut beneficia viderentur 

esse collata in illum 

a se, 

autem 

malefacta a servo. 

Autem canis,

ferens aegre 

se assidue ligari

et verberari, 

aufugit

et, 

cum increparetur a domino

ut ingratus

et immemor tantorum beneficiorum, 

qui fugisset a se

a quo fuisset 

semper dilectus 

et pastus,

autem nunquam ligatus

et verberatus, 

respondit, 

"puto 

id factum a te

quod servus facit 

tuo iussu."

Morale. 

Fabula indicat 

eos habendos malefactores

qui fuere 

causa maleficiorum.

110. De Avibus Timentibus Scarabaeos

Magnus timor 

incesserat aves, 

ne scarabaei 

occiderent eas 

balista, 

a quibus 

audiverant 

magnam vim pilarum 

fuisse fabricatam 

in sterquilinio 

summo labore. 

Tum passer inquit, 

"Nolite expavescere, 

etenim 

quomodo potuerunt 

iacere pilas 

volantes per aera in nos, 

cum vix trahant eas 

per terram 

magno molimine?"

Morale. 

Haec fabula 

admonet nos 

ne extimescamus 

opes hostium
quibus 

videmus 

ingenium deesse.