Clarke: Latin (21)

Here are some more fables from Clarke's Fabulae Aesopi Selectae, or, Select Fables of Aesop, where you can find English translations of these fables. You can also click here for all the Clarke fables at this blog.

101. De Quadrupedibus Ineuntibus Societatem cum Piscibus adversus Aves

Quadrupedes,
cum bellum
esset indictum sibi
ab avibus,
ineunt foedus
cum piscibus,
ut tuerentur se
eorum auxilio
a furore avium. 

Autem,
cum expectarent
optata auxilia,
pisces negant,
se posse accedere
ad se
per terram.

Morale.
Haec fabula
admonet nos,
ne faciamus eos
socios nobis,
qui,
cum sit opus,
non possunt adesse nobis.

102. De Viro, qui Accessit ad Cardinalem nuper Creatum, Gratia Gratulandi

Quidam vir
admodum facetus,
audiens
suum amicum
adsumptum
ad dignitatem cardinalatus,
accessit ad eum
gratia gratulandi.
Qui tumidus honore,
dissimulans
agnoscere veterem amicum,
interrogabat
quisnam esset.
Cui ille inquit,
ut erat promptus ad jocos,

"miseresco tui
et ceterorum

qui perveniunt
ad honores huius modi;
etenim,
quamprimum
estis assecuti
dignitates huius modi,
ita
amittitis visum,
auditumque
et ceteros sensus,
ut
non amplius dignoscatis
pristinos amicos."

Morale.
Haec fabula
notat eos
qui
sublati in altum
despiciant
veteres amicitias.

103. De Aquila et Pica

Pica
interrogabat aquilam,
ut acciperet se
inter suos familiares et domesticos,
quando meretur id,
cum pulchritudine corporis,
tum volubilitate linguae
ad peragenda mandata.
Cui aquila respondit,
"facerem hoc,
ni vererer,
ne efferres cuncta
tua loquacitate
quae fiant
intra meam tegulam. 

Morale.
Haec fabula monet
linguaces et garrulos homines
non habendos domi.

illustration by Grandville

104. De Turdo Ineunte Amicitiam cum Hirundine

Turdus gloriabatur
se contraxisse amicitiam
cum hirundine,
cui
mater inquit,
"Fili,
es stultus,
si credas
te posse convivere cum ea,
cum uterque vestrum 

soleat
appetere diversa loca;
etenim tu
delectaris frigidis locis,
illa
tepidis."

Morale.
Monemur hac fabula
ne faciamus eos
amicos nobis,
quorum vita
dissentit a nostra.

105. De Quodam Divite et Servo

Erat quidam dives
habens servum
tardi ingenii,
quem
solebat nuncupare
regem stultorum.
Ille
saepe irritatus his verbis
statuit referre par
hero;
etenim 

semel conversus in herum
inquit,
"Utinam essem
rex stultorum,
etenim
nullum imperium
in toto orbe terrarum
esset latius meo,
et
tu quoque
subesses meo imperio."

Morale.
Fabula indicat
stultum
saepe loqui opportune.