Clarke: Latin (4)

Here are some fables from Clarke's Fabulae Aesopi Selectae, or, Select Fables of Aesop. You can click here for all the Clarke fables at this blog. 

This link takes you to the Latin and English texts side by side for this section.

I'm recording this audio for LibriVox; for now, here is the audio as hosted at SoundCloud: Clarke playlist.

Laura Gibbs · Fables 16 - 20

16. De Partu Montium

Olim erat rumor

quod
montes parturirent. 

Homines accurrunt, 

circumsistunt, 

expectantes quippiam monstri,

non sine pavore. 

Tandem 

montes parturiunt. 

Mus exit;

tum 

omnes ridebant.

Morale. 

Jactatores, 

cum profitentur 

et ostentant magna,

vix faciunt parva. 

Quapropter 

isti Thrasones 

sunt, jure, 

materia joci et scommatum. 

Haec fabula 

item 

vetat inanes timores,

nam plerumque 

timor periculi 

est gravior periculo ipso; 

imo, 

id quod metuimus

est saepe ridiculum.

illustration by Bewick

17. De Leporibus et Ranis

Silva mugiente 

insolito turbine, 

trepidi lepores 

occipiunt 

rapide fugere. 

Cum palus obsisteret fugientibus, 

stetere anxii, 

comprehensi periculis utrinque. 

Quodque esset 

incitamentum majoris timoris, 

vident 

ranas mergi 

in palude. 

Tunc 

unus ex leporibus, 

prudentior ac disertior ceteris,

inquit, 

"Quid inaniter timemus? 

Est opus animo 

quidem: 

est nobis agilitas corporis, 

sed animus deest. 

Hoc periculum turbinis 

non est fugiendum, 

sed contemnendum.

Morale. 

Est opus animo 

in omni re. 

Virtus jacet 

sine confidentia; 

nam confidentia 

est dux et regina virtutis.

illustration from the Medici Aesop

18. De Haedo et Lupo

Capra, 

cum esset itura pastum, 

concludit haedum domi, 

monens 

aperire nemini 

dum ipsa redeat. 

Lupus, 

qui audiverat id 

procul, 

post discessum matris 

pulsat fores, 

caprissat voce 

jubens recludi. 

Haedus,

praesentiens dolum, 

inquit, 

"Non aperio; 

nam 

etsi vox caprissat, 

tamen equidem 

video lupum 

per rimas."

Morale. 

Filii, 

oboedite parentibus, 

nam 

est utile,

et decet juvenem 

auscultare seni.

illustration by Grandville

19. De Rustico et Angue

Quidam rusticus 

nutriverat anguem.

Aliquando
iratus 

petit bestiam 

securi. 

Ille evadit, 

non sine vulnere. 

Postea 

rusticus,

deveniens in paupertatem,

ratus est 

id infortunii 

accidere sibi 

propter injuriam anguis. 

Igitur 

supplicat 

ut redeat. 

Ille ait

se ignoscere,

sed nolle redire, 

neque fore securum 

cum rustico, 

cum sit tanta securis 

domi: 

dolorem vulneris 

desiisse, 

tamen 

memoriam superesse. 

Morale. 

Est vix tutum 

habere fidem ei 

qui
semel solvit fidem. 

Condonare injuriam,
id sane 

est misericordiae, 

sed cavere sibi 

et decet

et est prudentiae.

illustration by Weir

20. De Vulpecula et Ciconia

Vulpecula 

vocavit ciconiam 

ad cenam. 

Effundit opsonium 

in mensam, 

quod, 

cum esset liquidum, 

ciconia tentante rostro 

frustra, 

vulpecula lingit. 

Elusa avis
abit, 

pudetque pigetque injuriae. 

Post plusculum dierum 

redit, 

invitat vulpeculam. 

Vitreum vas 

erat situm,

plenum opsonii, 

quod vas, 

cum esset arcti gutturis, 

licuit vulpeculae 

videre et esurire, 

non gustare. 

Ciconia 

facile exhausit 

rostro.

Morale. 

Risus 

meretur risum; 

jocus jocum; 

dolus dolum; 

et fraus fraudem.

illustration by Tenniel