Clarke (1)

Here are some fables from Clarke's Fabulae Aesopi Selectae, or, Select Fables of Aesop. You can click here for all the Clarke fables at this blog. 

This link takes you to the Latin and English texts side by side for this section.

I'm recording this audio for LibriVox; for now, here is the audio as hosted at SoundCloud: Clarke playlist.

Laura Gibbs · Fables 1-5

1. De Gallo.

Gallus, 

dum vertit stercorarium, 

offendit gemmam, 

inquiens, 

"Quid reperio 

rem tam nitidam? 

Si gemmarius reperisset te, 

nihil esset laetius eo, 

ut qui sciret pretium: 

quidem est 

nulli usui mihi, 

nec aestimo magni; 

imo equidem 

mallem granum hordei 

omnibus gemmis."
Morale. 

Intellige per gemmam 

artem et sapientiam; 

per gallum, 

hominem stolidum et voluptarium; 

nec stulti amant
liberales artes, 

cum nesciant usum earum; 

nec voluptarius, 

quippe 

voluptas sola placeat ei.

illustration in Steinhowel

2. De Cane et Umbra.

Canis, 

tranans fluvium, 

vehebat carnem 

rictu.

Sole splendente, 

umbra carnis 

lucebat in aquis, 

quam 

ille videns

et avide captans, 

perdidit 

quod erat in faucibus. 

Itaque perculsus 

jactura
et rei et spei, 

primum stupuit; 

deinde, 

recipiens animum, 

sic elatravit,

"Miser! 

Modus deerat 

tuae cupiditati;

erat satis superque, 

ni desipuisses. 

Jam, 

per tuam stultitiam, 

est minus nihilo
tibi."

Morale. 

Sit modus
tuae cupiditati, 

ne amittas certa 

pro incertis.

illustration in Ogilby

3. De Lupo et Grue.

Dum lupus vorat ovem, 

forte 

ossa haesere in gula. 

Ambit, 

orat opem, 

nemo opitulatur; 

omnes dictitant 

eum tulisse
praemium suae voracitatis. 

Tandem, 

multis blanditiis 

pluribusque promissis, 

inducit gruem, 

ut, 

longissimo collo 

inserto in gulam, 

eximeret
os infixum. 

Verum 

illusit ei 

petenti praemium, 

inquiens, 

"Inepta, abi! 

Non habes sat

quod vivis? 

Debes tuam vitam
mihi; 

si vellem, 

poteram
praemordere tuum collum."

Morale. 

Quod facis ingrato, 

perit.

illustration by Grandville

4. De Rustico et Colubro.

Rusticus
tulit domum 

colubrum 

repertum in nive, 

prope enectum frigore; 

adjicit ad focum. 

Coluber, 

recipiens vim virusque, 

deinde 

non ferens flammam, 

infecit
omne tugurium 

sibilando. 

Rusticus, 

corripiens sudem,

accurrit, 

et
expostulat injuriam 

cum eo 

verbis verberibusque, 

"Num 

referret has gratias? 

Num 

eriperet vitam illi, 

qui
dederat vitam? 

Morale. 

Interdum fit 

ut obsint tibi 

quibus
tu profueris, 

et ii 

mereantur male de te, 

de quibus 

tu meritus sis bene.

illustration by Tenniel

5. De Apro et Asino.

Dum iners asinus 

irridebat aprum, 

ille, indignans, 

frendebat. 

"Ignavissime, 

fueras quidem meritus 

malum, 

sed
etiamsi fueris dignus 

poena, 

tamen 

ego sum indignus 

qui puniam te. 

Ride tutus, 

nam 

es tutus 

ob inertiam."

Morale.

Demus operam
ut, 

cum
audiamus aut patiamur 

indigna nobis, 

ne dicamus aut faciamus 

indigna nobis. 

Nam 

mali et perditi 

plerumque gaudent, 

si quispiam bonorum 

resistat iis; 

pendent magni

se haberi
dignos ultione. 

Imitemur equos

et magnas bestias 

qui praetereunt 

oblatrantes caniculos 

cum contemptu.

illustration by Barlow